Song

येशूको पछि हिँड़नेछुYeshuko Pachhi Hindnechhu

5 Views

Verse

येशूको पछि हिँड़नेछु बरु दुःखको बाटो होस्‌

भञ्ज्याङ-पहाड़ र मैदानमा मलाई जानुपरोस्‌

खुशी मनले म हिँड़्नेछु जहाँ उनी जानेछन्‌

जान्दछु कि यही बाटो जानेछ यरूशलेम ।

Verse

यसकारण म सोध्ने छैन, प्रभुले कहाँ लानेछन्‌

म डराउनेछैन कहिल्यै, येशू बाटो देखाउँछन्‌

हुकुम मान्दै उनको पछि हिँड़्नेछु नम्रताले

कारण उनको सिद्ध इच्छा जाती छ मेरालागि ।

Verse

दुनियाँले मलाई भुल्याए मेटिनेवाला चीजैले

अनि पापमा फसाए सधैँ दु:ख दिएर

गर्नुहोस्‌ निर्बन्ध मलाई आत्मा, प्राण र जीवनमा

उनको सेवा गर्नलाई बस्न उनकै इच्छामा ।

Verse

लिनुहोस्‌ मेरो इच्छा आफ्नो इच्छामा राख

जब दौड़मा म थाक्नेछु मेरो साहसलाई बढाउनोस्‌

जीवनभरि तपाईं पछि हिँड़्नेछु सच्चाइँले

तब खुशी हुन्छु महिमा तपाईंको सङ्गतिले ।